Një ditë më parë publikoi një video nga punimet për aeroportin e Kukësit, e sot një tjetër video për stadiumin e ri të këtij qyteti, ”Zeqir Ymeri”.
Rama thotë se ky është një selam për përqeshësit që thoshin se projekti për stadiumin e ri ishte vetëm një mashtrim 3D.
“MIRËMËNGJES
me një tjetër projekt të premtuar për Kukësin që po kalon nga 3D në realitet (dhe një selam për përqeshësit e kësaj faqeje, që nuk pushuan së shari e së thëni se ishte thjesht një mashtrim 3D)”– shkruan Rama krahas videos.
Projekti i publikuar nga kryeministri është për një stadium me kapacitet 10 mijë vendësh, dhe vlera e tij shkon deri në 3.5 milionë euro.
