Zyrtarët meksikanë kanë njoftuar se 19 persona janë vrarë gjatë luftimeve mes dy bandave rivale të drogës në rajonin verior, Chihuahua, në kufi me Shtetet e Bashkuara.
Zyra e prokurorit të shtetit njoftoi se 18 trupa të pajetë, dy granata, disa automjete dhe armë janë gjetur në vendin e ngjarjes në Madera. Dy të plagosur u kapën më vonë. Njëri vdiq në spital dhe tjetri është dërguar në mjekim.
Autoritetet thanë se kanë dërguar policë dhe ushtarë për ta siguruar zonën, ku përkrahësit e grupit “Sinaloa” janë përleshur me anëtarët e grupit “Juarez”, shkruan “The Guardian”.
