Sekretari i përgjithshëm i PD-së, Gazment Bardhi shkruan se kryeministri Edi Rama është kapur në flagrancë duke gënjyer.
Ai ka publikuar një video të një deklarate të Ramës, i cili shprehet se nuk do vijë fundi i muajt pa e marrë të gjithë pagën, nëse qëndrojnë në shtëpi si pasojë e mbylljessë biznesit ku punojnë për shkak të masave kundër koronavirusit.
Por sipas Bardhit, kjo deklaratë është e gënjeshtërt dhe kryeministri i ka braktisur qytetarët.
“Më 17 mars Edi Rama u premtoi shqiptarëve se “NUK DO TË VIJË FUNDI I MUAJIT PA PAGËN E GJITHKUJT NDËR JU QË QËNDRON NË SHTËPI SI PASOJË E MBYLLJES SË BIZNESIT KU PUNON!”.
E vërteta është se Edi Rama i ka gënjyer dhe braktisur qytetarët. Ai kapet çdo ditë në flagrancë duke gënjyer shqiptarët.
- Premtoi se gjithkush do të kenë pagesën në fund të muajit mars për bizneset e mbyllura, por marsi kaloi dhe ai nuk dha asnjë qindarkë.
- Premtoi se askush nuk do të mbetet pa ndihmë financiare, por la jashtë paketes së ndihmës mijëra biznese dhe qindra mijë kryefamiljarë dhe qytetarë në nevojë.”- shkruan Bardhi.
