SPAK-u ka dhënë hollësitë e arrestimit të drejtorit të burgut 313 në Tiranë e dy personave të tjerë.
Sipas prokurorisë, përveç Eduard Strugës, është ndaluar edhe shefi i Logjistikës së burgut 313, me iniciale F.A. dhe E.K., përfaqësues i një subjekti tregtar.
Këtij të fundit i është kapur në cilësinë e provës materiale edhe një shumë prej 100 mijë lekësh.
Sipas SPAK-ut, dy zyrtarët e burgut 313, akuzohen se kanë kërkuar e marrë shuma të konsiderueshme, rreth 550 mijë lekë si përfitim i parregullt për të lejuar aktivitet tregtar brenda burgut.
Biznesmeni akuzohet se u ka dhënë atyre shumat e konsiderueshme të parave. SPAK-u u bën thirrje qytetarëve që të kallëzojnë rastet kur zyrtarët publikë abuzojnë me detyrën.
