Specialistja e Institutit të Shëndetit publik, Silva Bino, ka zbuluar se janë shëruar 6 mjekë e infermierë të cilët ishin prekur nga koronavirusi.
Në një deklaratë për mediat, ku bëri përditësimin e të dhënave të fundit, Bino tha se se numri i personave të konfirmuar me Covid-19 të cilët janë shëruar, ka shkuar në 33.
“Deri tani kemi 33 të shëruar pas testeve të kontrollit të kryera kanë rezultuar negativë. Mes tyre janë 6 punonjës shëndetësor, dhe mes të cilëve 3 janë mjekë të cilët janë të infektuar”, tha Bino.
Numri i personave të infektuar me koronavirus në vend, sot ka shkuar në 197, me 11 raste të reja në vetëm 24 orët e fundit.
Kujtojmë se deri më tani numri zyrtar i konfirmuar nga Ministria e Shëndetësisë, i mjekëve dhe infermierëve të infektuar është 10, me shefin e Urgjencës Kombëtare, Skënder Brataj, më i fundit.
