Ambasada gjermane në Tiranë ka njoftuar se nuk do pranojë vërtetime të kalimit të kufirit.
Sipas ambasadës, kjo masë vjen për shkak të zhvillimeve ë fundit lidhur me koronavirusin.
Bëhet fjalë për shtetasit shqiptarë të cilëve u ka skaduar koha e qëndrimit ose janë kapur pa dokumentacionin përkatës në Gjermani.
Të gjithë këtyre shtetasve nuk do u pranohet më vërtetimi i kalimit të kufirit, deri në një njoftim të dytë në varësi të situatës me koronavirusin.
‘Informacion i rëndësishëm për të kthyerit nga Gjermania. Për shkak të zhvillimeve të fundit në lidhje me CORONA-virusin, ambasada nuk do të pranojë më (deri në një njoftim tjetër) vërtetime të kalimit të kufirit.’ – shkruhet në njoftimin e ambasadës në Facebook.
