Vendosni fjalën kyçe....

OFL iu kërkon të deklarojnë pasurinë dy të dënuarve nga Kruja e Elbasani


Operacioni Forca e Ligjit u ka dërguar formularin e deklarimit të pasurisë dy personave të tjerë të dënuar, të cilët duhet ta plotësojnë atë brenda 48 orëve.

Personat e vënë në shënjestër nga OFL janë Flamur Haka nga Nikla dhe Talo Cela nga Elbasani.
I pari akuzohet për vjedhje me dhunë, ndërsa i dyti për trafik droge.

“Në zbatim të detyrave të përcaktuara në Aktin Normativ të datës 31 janar 2020, vijon operacioni Forca e Ligjit, në bashkëpunim me strukturat vendore të Policisë, për dërgimin e kërkesave për vetëdeklarim të pasurisë.

Në këtë kuadër, OFL u ka dërguar kërkesat për vetëdeklarim të pasurisë shtetasve:

  1. H., banues në Krujë, i dënuar për veprën penale “Vjedhja me dhunë”;
  2. Ç., banues në Elbasan, i dënuar për veprën penale “Trafikim i lëndëve narkotike”;

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së.

Më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse, për të evidentuar dhe dërguar në SPAK, të gjithë personat që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.”- thuhet në njoftimin e policisë.

 


Leave a Reply

Your email address will not be published. Required fields are marked *