Partia Alternativa për Gjermaninë (AfD) kërkon të padisë kancelaren Angela Merkel për “shpërdorim detyre”.
AfD pretendon se ajo detyroi kryeministin e sapo zgjedhur të landit të Thuringias, që të jepte dorëheqjen javën e kaluar.
Kancelarja gjermane ishte në mesin e atyre që kritikuan ashpër rezultatin e votimit të parlamentit rajonal.
Deputetët e CDU-së në këtë land bashkuan forcat me AfD-në për të zgjedhur kryeministrin e ri të landit, një veprim që konsiderohet tabu në Gjermani.
Kryeministri i zgjedhur është Thomas Kemmerich, nga Liberal Demokratët e Lirë (FDP). Tani, AfD pretendon se Merkel e detyroi kryeministrin e ri të tërhiqej.
“Meqenëse Zonja Merkel nuk mban më një pozicion përkatës brenda CDU-së dhe ishte në Afrikë jo si anëtare e CDU-së por si kryetare e qeverisë gjermane, është një rast i qartë i abuzimit të pushtetit dhe shkeljes së të drejtës për mundësi të barabarta për të gjitha palët”- tha një bashkëdrejtues i AfD-së, Joerg Meuthen, duke iu referuar udhëtimit të Merkelit në Afrikën e Jugut dhe Angolë, citon RT.
Bjoern Hoecke, i cili është drejtuesi i zyrës rajonale AfD në Thuringia, planifikon të ngrejë padinë kundër Merkelit për këtë.
“Fakti që kancelarja ka detyruar një kryeministër të zgjedhur nga një parti tjetër të japë dorëheqjen është i papranueshëm”– tha ai në një postim në Twitter ndërsa bëri të ditura planet e tij për padinë.
Daß die #Bundeskanzlerin einen gewählten Ministerpräsidenten einer anderen Partei zum Rücktritt genötigt hat, ist nicht hinnehmbar. Deswegen ist es wichtig, daß mit der Anzeige der Widerstand gegen diese Methoden dokumentiert wird. #Thüringen #Kemmerich #Merkel pic.twitter.com/fuf43ADct4
— Björn Höcke (@BjoernHoecke) February 11, 2020
Votimet në Thuringia thyen një tabu të gjatë të pashkruar për partitë e mëdha gjermane që nuk bashkëpunonin me AfD-në e krahut të djathtë. Skandali çoi në dorëheqjen e lideres së CDU-së dhe pasardhëses Merkelit, Annegret Kramp-Karrenbauer.
