Ish-perandori i Japonisë, Akihito, i cili u dorëhoq vitin e kaluar është rrëzuar dhe ka humbur vetëdijen në rezidencën e tij pasditen e së mërkurës.
Daily Mail shkruan se kur ish-perandori 86-vjeçar ra, perandoresha Emerita Michiko ndodhej afër tij dhe shtypi një alarm urgjent.
Akihito ishte akoma pa vetëdije kur mjeku. Ai u dërgua në dhomën e gjumit të tij për t’u çlodhur.
Akihito të enjten në mëngjes bëri një rezonancë magnetike, por mjekët nuk gjetën asnjë anomali, tha një zyrtar i pallatit. Ai shtoi që mjekët do të vazhdojnë të monitorojnë gjendjen e tij.
Në korrik, ish-perandori Akihito pësoi anemi të përkohshme cerebrale, ndërsa më parë i është nënshtruar disa operacioneve për kancerin e prostatës dhe problemeve me zemrën.
Gruaja e tij 85-vjeçare, Michiko, në shtator iu nënshtrua një operacioni për kancerin e gjirit.
Akihito tronditi vendin në vitin 2016 kur ai zbuloi dëshirën e tij për t’u larguar pas gati tre dekadash në detyrë, duke përmendur se arsyeja ishin mosha dhe problemet shëndetësore.
Ai u dorëhoq në fund të prillit në vitin 2019 dhe djali i tij Perandori Naruhito u ngjit në fron.
