Automjeti me të cilin Juan Guaidó, i vetëshpalluri president i Venezuelës, po shkonte në ndërtesën legjislative është ndeshur me një turmë burrash të dhunshëm.
Reuters shkruan se civilë të armatosur sulmuan kolonën e automjeteve të politikanëve të opozitës, të cilët po shkonin për të mbajtur një kongres të mërkurën.
#AHORA #URGENTE
10:56 am Colectivos disparan contra los vehículos del Presidente @jguaido en donde se trasladan el 2do. viepdte de la Asamblea, el jefe de fracción, la subjefa de fracción y el secretario de la asamblea.
Una de las periodistas del Presidente también fue agredida. pic.twitter.com/5KsjZs6Qnx— Carla Angola TV (@carlaangola) January 15, 2020
Një turmë burrash (mbështetës të Maduros) goditën makinat me kone trafiku dhe leva, duke thyer dritaren e pasme të një makine. Turma më pas u largua, duke u udhëhequr nga disa individë me motoçikleta.
Zëdhënësi i Guaidos tha se katër politikanë të opozitës ndodheshin në automjete, duke përfshirë këtu Carlos Berrizbeitia, nënkryetarin e dytë të kongresit të Guaidos. Fatmirësisht askush nuk u plagos, falë dhe makinave të blinduara.
Më 5 janar, trupat bllokuan Guaidon të hynte në kongres dhe Partia Socialiste shpalli aleatin Luis Parra si kryetar të parlamentit, duke e lejuar Maduron të kapë kontrollin e institucionit.
Ligjvënësit e opozitës në një seancë plenar të veçantë atë ditë rizgjodhën Guaidon për një mandat të dytë si kryetar i Asamblesë Kombëtare dhe ai më vonë u kthye në pallatin legjislativ për të mbajtur seancën. Fotoja e mësipërme tregon momentin kur ai përpiqet të kalojë gardhin pavarësisht se pengohet nga ushtarët.
