Një anije migrantë është fundosur në brigjet perëndimore të Turqisë. Siç shkruan BBC, mes 11 migrantëve që janë mbytur, tetë prej tyre ishin fëmijë.
Tetë njerëz të tjerë u shpëtuan nga ujërat e Cesme, një vendpushim turistik në bregdetin e Egjeut përballë ishullit Grek të Chios.
Kombësitë e migrantëve nuk dihen ende.
Turqia ka qenë një pikë kryesore e tranzitit për migrantët që përpiqen të arrijnë në Evropë, kryesisht përmes Greqisë. Shumë prej migrantëve po përpiqen të largohen nga dhuna dhe persekutimi në vendet e tyre.
Shumë njerëz mbështeten te kontrabandistët e njerëzve dhe përballen me rrugë të rrezikshme tokësore dhe detare, shpesh duke u përballur me vdekjen. Në vitin 2016, Turqia arriti një marrëveshje financiare me Bashkimin Europian për të frenuar fluksin e migrantëve dhe refugjatëve në Evropë.
Turqia është shtëpia e rreth katër milion refugjatëve, popullsia më e madhe e refugjatëve në botë dhe mbi 3.6 milion prej tyre janë nga Siria.
