Të paktën 50 njerëz janë vrarë pranë liqenit të Çadit, në kufi me Kamerunin.
BBC shkruan se militantë të Boko Haramit, të maskuar si tregtarë, sulmuan një grup peshkatarësh. Sipas kryetarit të komunës Ali Ramat, vetëm një prej tyre ka mbijetuar.
Sulmi ndodhi në 22 dhjetor, por lajmet nga zona e largët sapo kanë filluar të qarkullojnë.
Grupi i Boko Haram, i formuar në Nigeri në vitin 2009, që nga ajo kohë ka përhapur aktivitetet e saj në Çad, Kamerun dhe Niger.
Sipas kryetarit të bashkisë së Darakut në rajonin e Veriut të Kamerunit, në mesin e të vrarëve ishin të paktën 20 kamerunas.
Ai tha për BBC-në se një numër i panjohur njerëzish nuk janë ende të llogaritur.
Të vdekurit besohet se janë të kombësive të ndryshme, disa prej të cilëve po peshkonin në liqen.
Në fund të dhjetorit, anëtarët e komunitetit lokal dërguan një ekip kërkimi në zonën e sulmit dhe gjetën kufomat duke lundruar në ujë.
