Julian Assange dukej si hija e njeriut që ishte dikur gjatë një telefonate në prag të Krishtlindjes, i tha RT-së, gazetari britanik Vaughan Smith, duke përmendur se themeluesi i WikiLeaks kishte probleme të fliste dhe dukej se ishte i droguar.
Assange u lejua të bënte vetëm një thirrje të vetme nga burgu i sigurisë maksimale Belmarsh në juglindje të Londrës për festën e Krishtlindjes.
‘Unë mendoj se ai thjesht donte disa minuta arratisje për të rigjallëruar kujtimet e lumtura’, tha Smith për RT, duke shtuar se Assange kishte kaluar pushimet në shtëpinë e tij në vitin 2010. Biseda e shkurtër hodhi dyshime të forta mbi gjendjen shëndetësore të Assange, that gazetari britanik që foli me të.
‘Ai më tha: ‘Unë po vdes ngadalë këtu. Fjalimi i tij u ngatërrua. Ai po fliste ngadalë dhe dukej tmerrësisht i lodhur. Ishte shumë shqetësuese ta dëgjoja.’ – vijoi Smith.
Megjithëse Assange nuk e tha me zë të lartë gjatë telefonatës, Smith tha se ai beson se aktivisti po drogohet me qetësues: ‘Duket shumë qartë se ai ishte nën ndikimin e fortë të qetësuesve dhe ky është mendimi edhe i të tjerëve që e kanë vizituar më herët’.
