Duket se njerëzit në këtë sezon festash nuk preferojnë këngët popullore apo këngët e reja, por kanë mbetur tek këngët klasike apo të shkollës së vjetër.
Një këngë 25-vjeçare po kryeson listat e popit në Amerikë dhe ajo është kënga e famshme e Mariah Carey – “All I want for Christmas is You”.
Njëzet e tre këngë kanë qenë në gjysmën e parë të listës së Billboard Holiday 100, pothuajse çdo javë që kur lista filloi në 2011, dhe 15 prej tyre ishin shkruar para vitit 1970. Dy të tjera, të dyja pjesë instrumentale, janë përbërje të reja të melodive të vjetra.
Çfarë po ndodh? Përgjigja është nostalgjia siç tha një profesor për ‘Washington Post’.
“Në përgjithësi, muzika popullore ka të bëjë me të qenit atje jashtë, për marrëdhëniet e reja, fillimet e reja, të qenit i ri dhe beqar dhe kërcimi”- tha Joe Bennett, profesor i muzikologjisë në Kolegjin e Muzikës në Berklee.
“Muzika e Krishtlindjes është pothuajse e kundërta e kësaj, konceptualisht dhe lirikisht. Bëhet fjalë për kthimin në shtëpi, nostalgjinë, duke kërkuar një kohë më të pafajshme në jetën ose historinë kulturore të një personi. “- shton Bennett.
Kolegu i tij, Mark Simos sqaroi se është një sfidë e re të shtosh diçka të re për arsye të dukshme – këngët e Krishtlindjeve janë shumë specifike për dëgjuesit. Artistët vazhdojnë të përpiqen, dhe çdo dekadë vetëm dikush ia del mbanë.
LISTA E BILLBOARD
