Mbi 40 njerëz kanë humbur jetën pas një shpërthimi në New Dehli. RT shkruan se shpërthimi ka ndodhur rreth orës 05:30 të mëngjesit të kësaj të diele, kur dhjetëra punëtorë po flinin brenda ndërtesës së një fabrike afër qytetit të New Delhi-t.
“Një zjarr shpërtheu në një ndërtesë prej 600 metra katrorë. Ishte shumë errët brenda. Është një fabrikë ku ruheshin çantat e shkollës, shishe dhe materiale të tjera”– tha zëvendës Shefi i Zjarrfikësve, Sunil Choudhary.
Raportet e mediave sugjerojnë se flakët mund të kenë nisur në njësinë e prodhimit të çantave, si rezultat i një qarku të shkurtër. 43 njerëz humbën jetën dhe rreth 50 të tjerë u shpëtuan nga ndërtesa e u dërguan në spitale të ndryshme. Megjithatë, numri i vdekjeve pritet të rritet.
At least 35 people are feared dead in the fire that broke out in a house in Anaj Mandi on Rani Jhansi Road today morning.#DelhiFire pic.twitter.com/8fe87aZQfj
— Tauseef Sheikh (@tauseefjourno) December 8, 2019
