Kryeministri Edi Rama është futur në debate me banorët në Kombinat, të cilët i kërkojnë një vend ku të strehohen për të kaluar natën.
Një nga banoret, i tha kryeministrit se qendrat sociale janë mbushur plot. Por sipas Ramës kjo nuk është e vërtetë. Të tjerë banorë thanë se kanë shkuar personalisht tek qendrat sociale dhe janë të tejmbushura.
BISEDA
Banorja: Çështja është se sa do zgjasë, sa do rrimë përjashta. Kam gocën përjashta.
Rama: Sa do zgjasi nuk ta them dot sot.
Banorja: Ndërkohë duhet të rrimë përjashta?
Veliaj: Jo s’keni pse rrini përjashta.
Rama: Zonjë, ju kemi ofruar të shkoni brenda në qendrat e pritjes.
Veliaj: Dhe hotelet.
Rama: Pallat gati tani për tani nuk kemi. Tani ti e do shtëpinë të re, e do tani, e do menjëherë.Ça të bëj unë?
Banorja: S’jemi duke dashur shtëpinë.
Rama: Çfarë kërkon?
Banorja: Një vend ku të fusim kokën, çupën time.
Rama: Një vend ku të fusësh kokën është në qendrën sociale të pritjes.
Banorja: Kemi kërkuar mbrëmë, policët na thanë se janë plot.
Rama: Më vjen keq, nuk është çështje policash kjo, është çështje e bashkisë. Nuk e kanë detyrën policët të bëjnë plot dhe bosh qendrat. Dhe mos i merrni nëpër gojë. Më ke mua përballë, merre gocën dhe ikim bashkë.
