Ish-eurodeputetja, Doris Pack, ka thënë se gjesti fyes me gisht i ambasadorit të OSBE-së në Shqipëri, Borchardt, është i padenjë për një ambasador.
Ajo ka komentuar në statusin e demokrates, Albana Vokshi, e cila ka postuar në Facebook fotografinë e ambasadorit Borchardt me komentin: “Photo of the day. Respektimi i të drejtave të njeriut në Shqipëri dhe raportimi i tyre në institucionet ndërkombëtare.”
Pack ka komentuar më poshtë duke shkruar se gjesti është i pahijshëm dhe duhet të ketë pasoja.
“E padenjë për një ambasador. Kush do ia thotë atij këtë gjë dhe kush do i marrë pasojat për këtë.” – komenton Pack.
