Kryeministri Rama ka vendosur t’i japë një seli partisë së Astrit Patozit, Bindja Demokratike.
Vendimi është publikuar në Fletoren Zyrtare ku jepen edhe hollësitë e tij. Partisë së Patozit i janë dhënë në përdorim një vilë dhe një palestër ngjitur me të.
Bindja Demokratike mori pjesë në zgjedhjet e fundit lokale edhe pse procesi i regjistrimit të saj nga ana e Komisionit Qendror të Zgjedhjeve u bë në shkelje të Kushtetutës, vërejtje të publikuara në raportin e OSBE/ODIHR për 30 qershorin.
Opozita e bashkuar e denoncoi me forcë regjistrimin e paligjshëm të partisë së Patozit në zgjedhjet e fundit.
