Patrullimet e përbashkëta amerikano-turke në veri të Sirisë nisën jo ashtu si duhet. Presidenti turk Erdogan akuzoi SHBA-në se po mban anën e terroristëve dhe kërcënoi se Turqia do vendosë zonën e saj të sigurisë nëse bisedimet e SHBA-së dështojnë.
“Duket se aleati i Turqisë po kërkon një zonë të sigurt në veri të Sirisë jo për Turqinë, por për grupin terrorist. Ne e refuzojmë një qasje të tillë,” i tha Erdogan një turme mbështetësish në Malatya.
Në gusht, zyrtarët ushtarakë turq dhe amerikanë ranë dakord të krijojnë një zonë të sigurt në veri të Sirisë dhe të formojnë një “korridor paqeje” për të lehtësuar kthimin e sirianëve të zhvendosur.
Të dy aleatët e NATO-s po planifikojnë gjithashtu të krijojnë një qendër të përbashkët operacionesh. Sipas Sipas Ankarasë, Uashingtoni dëshiron të strehojë aleatët e tij kurdë në zonë, ndërsa Erdogan dëshiron që ata të largohen pasi Turqia i konsideron ata terroristë.
“Nëse formimi de-fakto i një zone të sigurt në lindje të lumit Eufrat me ushtarë turq nuk bëhet deri në fund të shtatorit, Turqia nuk ka zgjidhje tjetër përveç se ta bëjë këtë në mënyrë të njëanshme”, shtoi Erdogan.
