Washingtoni do të ndërpresë marrëdhëniet me ambasadorin britanik Kim Darroch, njoftoi presidenti Donald Trump.
Sipas email-eve të publikuara, Darroch e quan administratën Trump “jofunksionale”, “të paaftë” dhe “jokompetente”.
Në një seri të vogël postimesh ku kritikon trajtimin e Brexit nga ana e kryeministres britanike Theresa May, Trump thotë se diplomati Darroch “nuk është i pëlqyer brenda SHBA-ve.”
“Kam qenë shumë kritik për mënyrën si Mbretëria e Bashkuar dhe kryeministrja Theresa May e kanë trajtuar Brexit.
Çfarë rrëmujë kanë krijuar ajo dhe përfaqësuesit e saj. I thashë asaj se çfarë duhej bërë, por ajo vendosi të shkonte në drejtim tjetër. Nuk e njoh ambasadorin, por ai nuk është i pëlqyer dhe as nuk mendohet mirë për të në SHBA.
Ne nuk do të merremi më me të. Lajmi i mirë për Mbretërinë e Bashkuar, është se së shpejti do të ketë një kryeministër të ri. Ndërsa e shijova tërësisht vizitën madhështore muajin e kaluar, ishte Mbretëresha ajo e cila më bëri më shumë përshtypje!”, shkruan Trump.
I have been very critical about the way the U.K. and Prime Minister Theresa May handled Brexit. What a mess she and her representatives have created. I told her how it should be done, but she decided to go another way. I do not know the Ambassador, but he is not liked or well….
— Donald J. Trump (@realDonaldTrump) July 8, 2019
Në emaile-t e dërguara nga mesi i vitit 2017 deri muajin e kaluar, Darroch i referohet Trump si një udhëheqës “i paaftë” dhe “jofunksional” i cili “rrezaton pasiguri” dhe presidenca e të cilit mund të “rrëzohej dhe digjej” në çdo moment.
Por pasi këto emaile dolën në media, Darroch pati kritika në shtëpi. Me ministrin e Jashtëm britanik Jeremi Hunt, i cili u mundua të sigurojë SHBA-në se qëndrimi i ambasadorit është personal dhe s’ka lidhje me atë të shtetit.
