Partia Socialiste ka organizuar një mbledhje grupi, vetëm pak orë para ngritjes së Komisionit Hetimor përmes të cilit maxhoranca synon të shkarkojë presidentin e vendit Ilir Meta.
Mbledhja e PS-së është organizuar në Kryesinë e Kuvendit.
Komisioni Hetimor që do të ngrihet sot, pritet që të drejtohet nga kryetari i Komisionit të Ligjeve, Ulsi Manja.
Në përbërje të këtij komisioni do të jenë 9 anëtarë, 5 nga PS dhe 4 nga e ashtuquajtura opozita e re në Parlament.
Komisioni Hetimor Parlamentar që do të shqyrtojë kërkesën e deputetëve të mazhorancës për shkarkimin e Presidentit Ilir Meta do të përbëhet nga nëntë anëtarë. Anëtarët e PS-së pritet të jenë: Vasilika Hysi, Klotilda Ferhati, Bashkim Fino dhe Alket Hyseni.
Sot në orën 17:00 do të mblidhet Parlamenti, në seancë plenare, për të shqyrtuar kërkesën e PS-së për ngritjen e këtij Komisionit Hetimor.
Vendimi për ngritjen e këtij Komisioni, kujtojmë se u mor nga maxhoranca pas konferencës së Jashtëzakonshme të Presidentit, i cili firmosi shfuqizimin e dekretit të zgjedhjeve të 30 qershorit.
