Presidenti Meta ka zbuluar mesazhin që i ka dërguar kryeministri Rama.
Kreu i shtetit pohoi se Rama i kishte deklaruar se pas zgjedhjeve lokale, Basha nuk do ishte më kryetar partie kurse, vetë ai nuk do gjente më asnjë gjurmë të LSI-së, pasi të përfundonte mandatin e presidentit.
‘Lulit i kam shkruar në fund të vitit 2017 se pas zgjedhjeve lokaleve s do jetë më kryetar partie, ndërsa ty po të shkruaj sot, që pasi të mbarosh mandatin e presidentit s’do gjesh më gjurmë LSI-je. Mbase jam gabuar, por më vjen keq.’
Meta deklaroi se nuk e ka problem të krijojë edhe parti të tjera por nuk është ky qëllimi i tij. Ai tha se synimi i tij është stabiliteti i vendit dhe rajonit si dhe integrimi i vendit në Bashkimin Europian.
