Vritet një 51-vjeçar shqiptar, i cili punonte si roje nate në Greqi. Mediat greke shkruajnë se shqiptari është sulmuar gjatë natës nga një bandë hajdutësh. Ngjarja ka ndodhur rreth orës 02:30 të mëngjesit.
Grabitësit mendohet se e kanë lidhur shqiptarin dhe më pas e kanë goditur disa herë në kokë.
Policia u njoftua nga vajza e 51-vjeçarit, Konstandin Hila.
Në orën 2:30 të mëngjesit ajo thirri policinë dhe tha se babai i saj e kishte telefonuar dhe i ka thanë se e kishin lidhur dhe goditur në vendin e punës Korydallos, në Rrugën Dervenakion .
Një ambulancë mbërriti në vendngjarje dhe më pas e transportoi Hilën në Spitalin e Attica-s. Por fatkeqësisht ai nuk arriti dot t’u mbijetonte plagëve.
Besohet se Hila kishte probleme me zemrën dhe mbante stimulues zemre.
