Bashkia Kukës kërkon zbatimin e dekretit të Presidentit Meta për anulimin e zgjedhjeve të 30 qershorit.
Kryetari i Bashkisë Bashkim Shehu ka kërkuar lirim e ambienteve të zëna nga KZAZ-ja.
Ai i drejtohet me një kërkesë Komisionit Qendror të Zgjedhjeve, duke kërkuar lirimin e ambienteve të pallatit të kulturës “Hasan Prishtina” në Kukës, ku është vendosur KZAZ-ja numër 11.
Kryebashkiaku kërkon gjithashtu lirimin e menjëhershëm të ambienteve të palestrës sportive të shkollës së mesme “Havzi Nela”.
“Gjithashtu kërkojmë heqjen e listave të përditësuara të zgjedhjeve të publikuar dhe afishuar në institucionet arsimore parashkollore dhe para universitare me administrim dhe pronësi të bashkisë së Kukësit”,thuhet në kërkesën e Shehut drejtuar KQZ-së.
