Kapiteneria e Vlorës i ka ardhur në ndihmë një kroçerë e cila ishte duke lundruar në afërsi të gadishullit të Karaburunit.
Kroccera ka kërkuar asistencë mjekësore pasi kishte një person të sëmurë në bord.
Pas thirrjes për ndihmë, Kapiteneria e Vlorës rreth orës 21:15 të mbrëmjes ka njoftuar ambulancën e qytetit dhe policinë kufitare.
Kroçera me emrin “Costa Victoria” mori udhëzim të afrohej në radën e portit të Vlorës dhe të merrte asistencën e kërkuar.
Mësohet se personi i smëurë ishte një udhëtare e moshës 68-vjeçare. Kapiteni i portit bashkë me personelin e ndihmës së shpejtë kanë shkuar në bordin e kroçerës për të marrë të sëmurën në barrelë dhe e kanë transportuar drejt spitalit të Vlorës.
Gruaja ndodhet në gjendje të rënduar shëndetësore.
