Në 50-vjetorin e lindjes, Brad Pitt i ka bërë ish-bashkëshortes Jennifer Aniston një dhuratë 79 milionë dollarëshe.
“Mirror” shkruan se Pitt ende ka ndjenja për Aniston, pavarësisht se ata janë divorcuar në vitin 2005 dhe pajtimi i tyre mund të ndodhë shumë shpejt.
Pas divorcit të Brad Pitt dhe Angelina Jolie, edhe Jennifer Aniston u nda nga bashkëshorti i saj, Justin Theroux. Por tronditje më e madhe ishte kur Brad u shfaq në festën e 50-vjetorit të saj.
Dhe dhurata ishte padyshim e veçantë.
Sipas gazetës britanike, Pitt i ka dhuruar Aniston një shtëpi. Jo thjesht një shtëpi, por shtëpia ku banonin Pitt dhe Aniston para se të ndaheshin.
Pas ndarjes, humbja e shtëpisë së tyre të ëndrrave e përkeqësoi dhimbjen e Aniston për divorcin.
Por vite më vonë, Pitt vuri re se shtëpia e tyre kishte dalë sërish në shitje dhe ai e bleu për 79 milionë dollarë, vetëm për t’ja dhuruar Aniston.
Aktorja u emocionua shumë kur zbuloi dhuratën dhe të dy kujtuan momentet e tyre së bashku në atë shtëpi.
