Presidenti brazilian, Jair Bolsonaro, ka shprehur tmerrin e tij mbi lajmin se më shumë se 1,000 amputime të penisit ndodhin çdo vit në vendin e Amerikës së Jugut, duke e cilësuar këtë gjë si “qesharake dhe trishtuese”.
Bolsonaro u tha gazetarëve të Brazilit të enjten se amputimet janë kryer “për shkak të mungesës së higjienës personale ” dhe se qeveria duhet të punojë me burrat për t’i bërë ata të dinë rreziqet e praktikave të këqija higjienike.
“Kur arrihet në një pikë të tillë, shohim se ne jemi vërtet në fund të gropës”, tha presidenti 64-vjeçar, citon Globo.
:Ne duhet të gjejmë një rrugëdalje nga fundi i gropës, duke ndihmuar këta njerëz duke ngritur vetëdijen, duke treguar me të vërtetë atë që duhet të bëjnë, e cila është e mirë për ta, është e mirë për të ardhmen e tyre dhe për të shmangur deri në atë pikë që është qesharake, e trishtuar për ne, ajo sasi e amputimeve që kemi një vit.” – shtoi ai.
Një zëdhënës i shoqërisë urologjike braziliane tha për Reuters se shifra prej 1,000 figuron nga të dhënat zyrtare mbi amputimet e penisit dhe se ato kryhen për shkak të infeksioneve, kancereve dhe komplikimeve të HIV-it.
