Ekstradohet në Shqipëri, nga vendi fqinj, Greqia, një i dënuar shqiptar për trafikim të vajzave me qëllim prostitucioni.
Interpol Tirana ka realizuar ekstradimin, në bashkëpunim me autoritetet greke, nga Athina për 48-vjeçarin Astrit Dule.
“Ekstradohet nga Athina një shtetas shqiptar i dënuar nga Gjykata e Durrësit me 15 vjet burg për veprën penale,”Trafikim i femrave për qëllim prostitucioni”.
Zyra Qëndrore Kombëtare e Interpolit në Tiranë, ekstradoi nga Athina/Greqi, drejt Shqipërisë shtetasin shqiptar:
Astrit Dule., 48 vjeç, lindur në Fier.
Ky shtetas ishte person i shpallur në kërkim ndërkombëtar, pasi Gjykata e Rrethit Gjyqësor Durrës e ka dënuar me 15 vjet burg për veprën penale,”Trafikim i femrave për qëllim prostitucioni”.”, jep detaje policia.
