Pas aksidentit të rëndë që ndodhi të enjten në Gjilan, ku humbi jetën një biznesmen, policia ka arrestuar pronarin e firmës që i përkiste kamioni që shkaktoi aksidentin.
Kamioni që i mori jetën një personi dhe plagosi dhjetëra të tjerë, sipas policisë nuk është i regjistruar dhe nuk posedon në kontroll teknike. Si rezultat, përgjegjësitë i mban pronari i tij.
Aksidenti dyshohet se u shkaktua pikërisht se se automjetit transportues nuk i ka punuar sistemi i frenimit.
“Rr. “Idriz Seferi”, Sheshi “Rexhep Mala, Nuhi Berisha”, Gjilan 07.03.2019-14:00. Lidhur me aksidentin e ndodhur në datën dhe kohën e lartë shënuar është arrestuar i dyshuari mashkull K/Shqiptar, pronar i firmës së cilës i përkiste kamioni i përfshirë në aksident, me dyshimin se automjetit transportues nuk i ka punuar sistemi i frenimit dhe i njëjti nuk është i regjistruar dhe nuk posedon kontroll teknike. I dyshuari pas intervistimit me vendimin e prokurorit, dërgohet në qendrën e mbajtjes”, njofton Policia.
Ditën e enjte, kamioni i cili ishte me shpejtësi ka goditur gjithçka I ka dalë para, makina e njerëz në trotuar.
Si rezultat ka mbetur i vdekur një person, Qerim Çoçaj pronari i një furre buke dhe mbi 20 të tjerë kanë mbetur të lënduar.
Disa prej të lënduarve po trajtohen në Spitalin Rajonal të Gjilanit, e disa të tjerë të cilët janë në gjendje më të rëndë shëndetësore, janë dërguar në QKUK.
