Kryeministri Edi Rama uroi sot gratë shqiptare për “8 Marsin, duke publikuar një foto të tijën ku shfaqej mes bashkëshortes Linda dhe nënës së tij Anetës.
“MIRËMËNGJES dhe një 8 Mars të gëzuar për të gjitha gratë dhe vajzat”, shkruan Rama.
Mirëpo përdoruesit e “Facebook”ut iu kanë kundërvënë kryeministrit duke thënë se sot mbase ka vetëm bashkëshortja e tij arsye të gëzojë, pasi 90% e grave shqiptare nuk e kalojnë aq gëzueshëm.
Një komentues i shkruan Ramës të ikë t’i urojë nënat dhe motrat e shqiptarëve, nëpër fasoneritë ku punojnë si skllave dhe nuk marrin më shumë se 250-300 mijë lëkë të vjetra.
“Ik uroji neper fabrika e fasoneri nenat e motrat e shqiptarve qe punojë si slleverit te ata italianet qe ti u the e kemi rrogen minimale 450 euro. Por ato nëna e motra shqiptare marrin nga 250 mij lek 300 mij lekë e shumë motra e nena shqiptare kan 27 vjet qe e kane braktis Shqiperine. E kur te kthejne pergjigje keto zarat e servilat e tu ben mire t’ja tregosh se ke dhe ti 20 vjet ne pushtet. Zhgenjim i madh per nenat e motrat shqiptare, po flas per ate pjese te grave qe ulin koken e punojne, kane dinjitet e vuajne. Urimi yt ishte per keto palo femna karrieriste e servile.”, shkruan qytetari.
Një tjetër shkruan se Rama ua ka bërë jetën skëterrë “mamave të shkreta që u kanë ik djemtë jashtë shtetit”.
Ndërkohë ka edhe nga ata që kujtojnë se sot është një ditë proteste he gratë s’kanë nevojë për urime, dhurata e lule, por vetëm t’u plotësohen të drejtat e tyre.
