Një trup i pajetë është gjetur në plazhin e Currilave në Durrës.
Policia ka mbërritur në vendngjarje dhe po punon për identifikimin e viktimës.
Mësohet se trupi ka mbi 6 muaj në zonë dhe është dekompozuar.
Viktima dyshohet se është endacak ose bari i zonës. Nga këqyrja paraprake e trupit nuk janë vërejtur goditje me armë.
Njoftimi i policisë
Durrës – Informacion Paraprak
Më datë 07.03.2019, rreth orës 10:30, në lagjen Nr 1 , Currila ,Durrës, është gjetur një kufomë e rregullt nga ana strukturore por e dekompozuar.
Nga hetimet e para dyshohet të jetë e seksit mashkull dhe nuk janë konstatuar shenja dhune .
Grupi Hetimor në bashkëpunim me Prokurorin e Rrethit Gjyqësor Durrës, po punon për identifikimin e kufomës dhe zbardhjen e plotë të shkakut të vdekjes.