Vendosni fjalën kyçe....

Trageti nisur nga Bari drejt Durrësit bllokohet 3 orë në det, Porti i Durrësit zbardh shkaqet


Trageti nisur nga Bari drejt Durrësit, me 280 udhëtarë në të, është bllokuar mbrëmjen e djeshme për plot 3 orë në det.

Në panik udhëtarët kanë pritur vazhdimin e udhëtimit drejt Durrësit dhe fatmirësisht, kanë mbërritur shëndoshë e mirë.

Por çfarë i ka ndodhur tragetit të kompanisë “Ventouris Ferries”?

 Porti i Durrësit zbardh shkaqet e defektit.

“Trageti “Rigel” i i kompanisë “Ventouris Ferries” është nisur nga Bari në drejtim të Durrësit në orën 23:00. Pasi ka dalë nga porti i Barit pas 4 ore ka pësuar një defekt në panelin e kontrollit, i cili është nxehur dhe disa komanda nuk i merrte.

Në këto kushte trageti ka patur mungesë ajri të kondicionuar.

Për siguri trageti ka lëvizur afër ujrave italiane dhe pas 3 orësh pasi defekti është rregulluar trageti ka vazhduar rrugën drejt Portit të Durrësit.

Që me marrjen e informacionit në orën 03:00 Kapiteneria e Portit Durrës ka ndjekur situatën dhe ka komunikuar me kapitenin e “Righel I” duke informuar për gjendjen e tragetit.

Sapo të mbërrijë në Portin e Durrësit Drejtoria e Përgjithshme Detare do dërgojë grupin e Kontrollit Shtetëror Portual për të bërë inspektimin e tragetit dhe gjendjen teknike te tij.”, jep detaje Drejtoria e Pergjithshme Detare.


Leave a Reply

Your email address will not be published. Required fields are marked *