Deputetja e Lëvizjes Socialiste për Integrim, Silva Caka, ka reaguar lidhur me investigimin që nxjerr zbuluar ministren Elisa Spiropali, për përfitimin e tenderave prej 350 mijë dollarëve të vëllait të saj, dhënë nga bashkëshorti.
Caka thotë se ky investigim i “BoldNews” ka treguar se qeveria po punon vetëm për kryeministrin, ministrat dhe njerëzit e tyre, ndërsa shton se dosjet flenë në Prokurori.
“Llaxore te dera, dil se të erdhi vera…
Nga karrigia e pushtetit, është shumë e thjeshtë të bësh arroganten dhe të vjedhësh paratë e shqiptarëve, me mënyra të paskrupullta dhe skema të trasha.
Në këtë link, faktohet kristal e qartë vjedhja familjare e 350 mijë $, nga bashkëshorti, vëllai dhe krushku i Ministres së Shtetit për Marrëdhëniet me Parlamentin.
Me bekimin politik të saj, 3 këmbët e perustisë Spiropali-Totaj-Memushaj (vëllai, burri dhe kushëriri i burrit të Ministres), vjedhin 350 mijë $, duke treguar edhe një herë se kjo qeveri punon vetëm për Kryeministrin, ministrat, familjarët e tyre dhe klientët e pushtetit.
Ndërkohë, dosjet e korrupsionit në Dogana, faktuar nga raportet e Kontrollit të Lartë të Shtetit, flenë në Prokurori.
Llaxore nga vulgu, dil se të erdhi burgu “, shkruan Caka.
Në investigimin e publikuar një ditë më parë nga “BoldNews”, thuhet që të paktën 350 mijë dollarë kanë përfituar trekëndëshi Salarjon Totaj (bashkëshorti i Spiropalit), Enkli Spiropalit (vëllai i Spiropalit) dhe Marjus Memushajt (krushku i Spiropalit).