Liverpool nuk ka arritur të përfitojë siç duhet nga humbja e djeshme e Manchester City.
Skuadra e drejtuar nga Jurgen Klopp nuk shkoi më shumë se barazimi 1-1 ndaj Leicester në ndeshjen e zhvilluar në “Anfield Road”, duke u shkëputur në krye të klasifikimit me vetëm 1 pikë nga ekipi i Pep Guardiolës.
Mane shënoi që në minutën e 3, por Maguire barazoi në minutën e dytë shtesë të pjesës së parë.
Shokohet Chelsea në transfertën ndaj Bournemouth. Skuadra e Sarrit u mposht 4-0 dhe tashmë e sheh veten në vendin e pestë, jashtë zonës Champions dhe me Manchester United vetëm 2 pikë mbrapa.
Ndërkohë, Tottenham fitoi 2-1 ndaj Watford dhe konsolidon vendin e tretë.
