Eduard Ndocaj, ish-deputeti i Partisë Socialiste në Lezhë, ka rrëfyer një sherr në telefon që ka patur me kryeministrin Edi Rama.
Ndërsa ishte i ftuar në emisionin “Xing me Ermalin”, Ndocaj ka treguar se ka kundërshtuar qeverinë për çështjen e plehrave.
Ndocaj tha se Rama i ishte drejtuar atij me fjalët “idiot, malok, i trashë” dhe i ka thënë se s’do ta shohë më në Kryeministri.
Biseda në studio
Ermal Mamaqi: Më kanë thënë që je zënë një herë live me kryetarin?
Eduart Ndocaj: Jemi zënë disa herë, por një herë jemi zënë në telefon.
Ermal Mamaqi: Aman na thuaj ndonjë gjë se ne vdesim për thashetheme. Ku ishe kur ndodhi telefonata?
Eduart Ndocaj: Ishim në mbledhjen e Komisionit të Veprimtarisë Prodhuese dhe po diskutonim për çështjen e plehrave. Po i binte telefonit ky sepse unë kisha bërë një artikull në një gazetë edhe pse isha deputet i PS dhe kundërshtoja dhe akuzoja.
Ermal Mamaqi: Kishe bërë deklaratë kundër qeverisë ndërkohë që ishe në qeveri?
Eduart Ndocaj: Po.
Ermal Mamaqi: Sa i madh që je.
Eduart Ndocaj: Unë ia mbylla telefonin dhe i shkruaj: Kush jeni ju, se jam i zënë. Ai ma ktheu: Jam Kryeministri, dil zhbllokohu. Më thotë Shalsi me kë po flet? I thashë me Kryeministrin. Dil jashtë më tha se ndërpresim mbledhjen. Prita derisa mbaroi mbledhja dhe bëmë debat gati gjysmë ore në telefon dhe pastaj i thashë ta mbyllinim se po vij te Kryeministria. Jo më tha, s’dua të të shoh më në Kryeministri.
Ermal Mamaqi: Po çfarë thoshte kështu në telefon?
Eduart Ndocaj: Është i ëmbël kështu, më tha: Idiot, malok, i trashë. Është i ëmbël, gjuhën e ka.
Ermal Mamaqi: Kur do është delikat.
