Ambasadori i BE-së në vendin tonë Luigi Soreca është shprehur në lidhje me dorëzimin e Klement Balilit në polici se është një hap në luftën kundër krimit.
“Klement Balili në @PoliciaeShtetit paraqet një zhvillim të rëndësishëm në luftën kundër bandave kriminale në Shqipëri. Lufta kundër krimit të organizuar dhe trafikimit të drogës është përparësi kryesore për #EU në rrugën e Shqipërisë drejt pranimit në BE.”, shprehet Soreca në Twitter.
Balili është vetëdorëzuar në polici dhe sot ai u shfaq teksa përqafohej me të afërmit e tij. Ky i fundit u dorëzua mëngjesin e sotëm në afërsi të Finiqit rreth orës 09:00.
Sipas drejtorit të Policisë së Shtetit, Veliu, Balili kishte pasur 3 kushte për t’u dorëzuar: Mosekstradimin në Greqi, proces të drejtë dhe kushte të mira në qeli.
