5 persona kanë humbur jetën ndërsa shumë të tjerë kanë mbetur të lënduar nga një stuhi dimërore që ka përfshirë pjesën qendrore të SHBA-së.
Fotot dhe videot e postuara në mediat sociale tregojnë pasojat kaotike të stuhisë. Stuhia mbuloi Kansas-in dhe Misosur-in të premten, me reshje të dendura, që vazhdojnë që prej së shtunës.
Stuhia nuk kurseu as pjesët e shteteve të tjera duke përfshirë Iowa-n, Illinois-in, Indiana-n dhe Ohio-n.
Zonat më të prekura nga stuhia dimërore me reshje e temperatura të ulëta ka prekur sidomos St. Louis-in dhe Missouri-n, kurse Reuters raporton se në këto vende ka rënë më shumë se gjysmë metri dëborë.
Stuhia masive shkaktoi vdekjen e të paktën 5 personave në autostradat dhe rrugët që përshkojnë këto shtete. Shërbimi i Emergjencave Civile e Missouri-t shkroi në një postim në “Twitter”, se ajo iu përgjigj 3,918 thirrjeve për shërbim, 1,790 shoferëve të bllokuar, 878 përplasjeve me makinë dhe 57 plagosjeve.
