Një person është gjetur i mbytur në një kanal në Vrion në bashkinë Finiq, mbrëmjen e sotme.
Trupi i pajetë është parë nga kalimtarët të cilët kanë njoftuar menjëherë policinë.
Trupi është nxjerrë me vështirësi nga kanali, pasi ishte i mbuluar nga ferrat.
Dyshohet se viktima është rreth 45 vjeç dhe mund të jetë mbytur tre ditë më parë.
Kufomës i janë gjetur edhe fije peshkimi dhe dyshohet se ka qenë në kanal për të peshkuar ngjala.
Ndërkohë policia vijon hetimet.
