Një sasi lënde plasëse dyshohet se ka shpërthyer në një automjet të parkuar në Tiranë gjatë orëve të para të mëngjesit.
Sipas informacioneve paraprake, ngjarja ka ndodhur rreth orës 01:50 të datës 10 mars, në rrugën “Vasil Ndocka”, ku dyshohet se është vendosur lëndë plasëse në automjetin në pronësi të shtetasit Olsion Klosi, 36 vjeç.
Si pasojë e shpërthimit nuk ka persona të lënduar, por janë shkaktuar vetëm dëme materiale.
Grupi hetimor ndodhet në vendngjarje dhe po punon për zbardhjen e plotë të rrethanave të rastit.
