Kreu i grupit parlamentar të PD-së Gazment Bardhi ka akuzuar kryeministrin Rama si nxitësin kryesor të dhunës në vend dhe përgjegjës për vrasjen e gjyqtarit Astrit Kalaja në sallën e gjyqit.
Deputeti shtoi më tej se as në Itali nuk ka ndodhur që mafia të vrasë gjyqtarët në sallën e gjyqit.
Ai nuk i kurseu kritikat as për ministren e Brendshme Koçiu dhe Policinë e Shtetit për ngjarjen e rëndë.
“Është bërë si han pa porta Apeli, pasi s’di kush hyn e del dhe në këtë fazë, dje vërtet ndodhi ajo ngjarje e rëndë, por akoma me rëndë ishte reagimi i Ministrisë së Brendshme, që s’ka rol në sigurinë e gjykatave.
Reagimi i Kryeministrit më skandaloz. Ai tha se është përgjegjësi, një gjyqtar që është i pasigurt në zyrën e tij dhe sallën e gjyqit, se e nxirrni veten ‘injorante të ligjit’…s’është i mundur të japë drejtësi. Duke mos pasur siguri për veten, vendimi ndikohet nga frika e vrasjes. Gjyqtari të ndihet i sigurt në gjyq, pa qenë i sulmuar. Policia ka shumë rol, sipas nenit 49 është Këshilli i Ministrave, është ajo që përcakton rregullat e sigurisë në gjykata dhe më 2020. Policët ‘si kemi për gjyqtarë e prokurorë po për të sulmuar qytetarët në pronat e tyre.
Hoqi policinë nga ruajtja e sigurisë në gjykata e prokurori, ndaj kjo bëri të hynë individë më armë në brez e gjyqtarët të jenë të pambrojtur në sallën e gjyqit. Është çështje që duhet të na shqetësojë të gjithëve.
S’mund të thotë Ministrja e Brendshme se arrestuam qytetarin, qytetari priti policinë duke thënë se shkoni se e vrava, kaq qesharake është bërë policia, se e keni nxjerrë jashtë rolit. Nëse s’ju intereson e shqetëson vrasja e gjyqtarit, ne na shqetëson, s’është rastësi që qytetari bën vetëgjyqësi në gjyq, ndërsa kemi parë edhe kryeministrin që jep vendime.
Ata që ka sulmuar Rama janë ndër të më mirët në sistem. Kur qytetari shikon kryeministri është palë në proces, që bën vetëgjyqësi e shpall të paligjshëm vendimin e gjykatës dhe do bëjnë vetëgjyqësi në sallë. S’ka ndodhur as mafia në Itali, t’i vrasë në sallën e gjyqit. Ky është realiteti i Shqipërisë më 2025. Kur qytetarët shikojnë atë që kontrollon shtetin të bëjnë vetëgjyqësi nxiten dhe ata të bëjnë vetëgjyqësi. KLGJ reagon vetëm kur vriten gjyqtarët e jo kur sulmohen. Siç i vret kryeministri me fjalë, hesht KLGJ.” – tha Bardhi.
