Një shpërthim tronditi një pikë karburanti në Romë të premten, duke lënë disa persona të plagosur, përfshirë tetë oficerë policie dhe një zjarrfikës, thanë zyrtarët.
Vala e shpërthimit ishte aq e fortë sa u dëgjua në gjithë qytetin.
Një rezervuar karburanti në një pikë furnizimi në një lagje lindore të qytetit, shpërtheu rreth orës 8:15 të mëngjesit të së premtes, tha policia e Romës, shkruan NY Times.
Zjarrfikësit dhe oficerët e policisë ishin thirrur tashmë në vendin e ngjarjes pas një incidenti të mëparshëm që përfshinte një kamion dhe ata ishin shumë pranë kur ndodhi shpërthimi, tha Luca Cari, zëdhënës i shërbimit italian të zjarrfikësve.
Shkaku i shpërthimit është ende i panjohur, tha Cari, dhe ai nuk kishte informacione të mëtejshme në lidhje me incidentin që përfshinte kamionin.
