Ushtria amerikane nisi sulme ajrore kundër Iranit pasi Presidenti Donald Trump tha se Teherani kishte rrëzuar një helikopter amerikan Apache në Ngushticën e Hormuzit.
Sulmet e reja kanë thelluar dyshimet mbi një marrëveshje të mundshme paqeje dhe kanë tendosur më tej një armëpushim të brishtë.
“Unë besoj se përgjigjja duhet të jetë shumë e fortë, shumë e fuqishme, dhe kjo është ajo që është,” tha Trump për ABC News.
Mediat shtetërore të Iranit raportuan se ishulli Qeshm në Ngushticën e Hormuzit u sulmua dhe se një raketë u konfirmua në qytetin portual të Sirikut në ngushticë.
Zhurma shpërthimesh u dëgjuan në Bandar Abbas aty pranë, dhe më vonë në afërsi të qarkut Jask, pranë hyrjes së ngushticës, raportuan mediat iraniane, duke cituar burime lokale dhe banorë, shkruan Reuters.
Pas sulmeve fillestare, Ministri i Jashtëm i Iranit, Abbas Araqchi, postoi në X se vendi i tij “nuk do të linte asnjë sulm apo kërcënim pa përgjigje”.
