Prokuroria pranë Gjykatës së Shkallës së Parë të Juridiksionit të Përgjithshëm në Vlorë ka përfunduar hetimet dhe ka dërguar në gjyq 7 persona, mes tyre katër ish-zyrtarë, për veprat penale “Ndërtim i paligjshëm” dhe “Shpërdorim detyre”.
Sipas njoftimit zyrtar, hetimet lidhen me procedimin penal nr. 704 të vitit 2021, që ka në fokus ndërtimet pa leje në zonën “Kodrën e Rrapojve”, në Himarë.
Nga verifikimet ka rezultuar se disa prej të pandehurve, në ushtrim të funksioneve publike, kanë vepruar në kundërshtim me ligjin, duke cenuar interesat e shtetit dhe subjekteve të tjera.
Personat e dërguar në gjyq:
- M.B., i akuzuar për “Ndërtim të paligjshëm”
- B.M., i akuzuar për “Ndërtim të paligjshëm”
- Sh.T., i akuzuar për “Ndërtim të paligjshëm”
- R.H., ish-kryeinspektor i IMT Bashkia Himarë, i akuzuar për “Shpërdorim detyre”
- M.N., ish-kryeinspektor i IMT Bashkia Himarë, i akuzuar për “Shpërdorim detyre”
- E.Z., ish-inspektor i IMT Bashkia Himarë, i akuzuar për “Shpërdorim detyre”
- R.K., ish-inspektor i IMT Bashkia Himarë, i akuzuar për “Shpërdorim detyre”
Prokuroria bën me dije se çështja i është referuar gjykatës për vijimin e procedurave, ndërsa të pandehurit akuzohen se kanë lejuar ose kryer ndërtime në kundërshtim me legjislacionin në fuqi.
