“Armët bërthamore nuk kanë vend në doktrinën bërthamore të Iranit”, tha të hënën Ministria e Jashtme e vendit, disa ditë pasi një komandant i Gardës Revolucionare paralajmëroi se
Teherani mund të ndryshojë politikën e tij bërthamore nëse i nënshtrohet presionit nga kërcënimet izraelite.
“Irani ka thënë vazhdimisht se programi i tij bërthamor shërben vetëm për qëllime paqësore. Armët bërthamore nuk kanë vend në doktrinën tonë bërthamore,” tha zëdhënësi i ministrisë Nasser Kanaani gjatë një konference për shtyp në Teheran.
Pas rritjes së tensioneve me Izraelin, komandanti i Gardës përgjegjës për sigurinë bërthamore Ahmad Haghtalab tha javën e kaluar se kërcënimet izraelite mund ta shtyjnë Teheranin të “rishikojë doktrinën e tij bërthamore dhe të devijojë nga konsideratat e tij të mëparshme”.
VINI RE: Ky material është pronësi intelektuale e Reuters
