Autoritetet ukrainase raportuan shpërthime në rajonet verilindore, jugore dhe perëndimore të vendit të enjten në mëngjes, gjatë një vale të re të sulmeve me raketa ruse, të cilat Kievi tha se dëmtuan objektet e rrjetit të tij energjetik.
Shpërthimet u dëgjuan në qytetin ukrainas të Kharkivit, tha kryebashkiaku Ihor Terekho në Telegram, si dhe në rajonin e Zaporizhzhias, sipas guvernatorit Ivan Fedorov.
Guvernatori i rajonit perëndimor të Lvivit, Maksim Kozytskyi, tha në Telegram se forcat ajrore të mbrojtjes po punonin në zonë.
Ministri ukrainas i Energjisë Herman Halushchenko tha në Telegram se sulmet kishin në shënjestër objektet e prodhimit dhe shpërndarjes së energjisë në rajonet Kharkiv, Zaporizhzhia, Lviv dhe Kiev.
VINI RE: Ky material është pronësi intelektuale e Reuters
