Bordi ekzekutiv i Fondit Monetar Ndërkombëtar (FMN) miratoi të hënën dhënien e 900 milionë dollarëve ndihmë për Ukrainën.
“Marrëveshja 48 mujore e EFF (Extended Fund Facility) e Ukrainës, me akses prej 11.6 miliardë SDR (ekuivalente me 15.6 miliardë dollarë, ose rreth 577 për qind e kuotës), u miratua më 31 mars 2023 dhe bën pjesë në një paketë mbështetëse prej 122 miliardë dollarësh për Ukrainën”, tha FMN në një deklaratë.
“EFF vazhdon të ofrojë një ‘spirancë të fortë’ për programin ekonomik të autoriteteve dhe zbatimi i tij ka qenë gjerësisht në rrugën e duhur pavarësisht sfondit tejet sfidues”, shtoi ai.
Masa erdhi përpara takimit të presidentit ukrainas Volodymyr Zelenskyy me Drejtoreshën Menaxhuese Kristalina Georgieva në selinë e FMN-së në Uashington.
Georgieva tha në deklaratën se ‘pushtimi i Ukrainës nga Rusia vazhdon të sjellë kosto të mëdha sociale dhe ekonomike për Ukrainën’, duke shtuar se është ‘kritike’ që financimi i jashtëm në kushte koncesionare të vazhdojë në kohë dhe të parashikueshme dhe të mbajë vrullin e reformës.
Pas takimit të saj me Zelenskyy, ajo tha në X se FMN është e vendosur të mbështesë Ukrainën në ndërtimin e themelit për një ekonomi të fortë.
Zelensky përshëndeti vendimin ‘e rëndësishëm’ të FMN-së për të ndarë një këst prej 900 milionë dollarësh.
“Falenderova FMN për mbështetjen e Ukrainës dhe njohjen e arritjeve të vendit dhe popullit tonë. Gjatë luftës, ne po zbatojmë reforma për të forcuar institucionet tona dhe duke punuar me partnerët për të dhënë më shumë mundësi ekonomike për popullin tonë,” tha ai në X.
VINI RE: Ky material është pronësi intelektuale e AA.
