Kombëtarja kuq e zi padiskutim i bëri të gjithë krenarë me fitoren në ndeshjen e luajtur kundër Polonisë mbrëmjen e së dielës në ‘Air Albania’.
E teksa performanca e skuadrës ishte mjaft e mirë kryesisht në mbrojtje dhe mesfushë, dy supergolat e shënuar nga Asani dhe Daku shtangën këdo, duke ngritur gjithë stadiumin në këmbë.
Mirlind Daku, golshënuesi i dytë përgjatë ndeshjes, krahas përgëzimeve të shumta, është përshëndetur edhe nga kryetari i Bashkisë Tiranë Erjon Veliaj.
Nëpërmjet një statusi në rrjetin social ‘X’, Veliaj shkruan se Dakun e ka takuar dy muaj më parë kur ai ka marrë nënshtetësinë shqiptare dhe se me golin e tij i ka bërë të gjithë krenarë, duke e afruar skuadrën tonë kombëtare afër ëndrrës europiane.
Statusi:
Mirlind Dakun e takova dy muaj më parë, kur mori nënshtetësinë shqiptare 🇦🇱!
Dje na bëri krenarë 😍 me golin kundër Polonisë, duke na afruar me ëndrrën europiane! Forca Daku! 🏆
