Policia ka kontrolluar banesat e tre personave në Fushë Krujë lidhur me sulmin me armë ndaj banesës së Gentian Bejtjes ku humbi jetën kunati i tij, 29-vjeçari Ramazan Sino dhe u plagosën dy fëmijet e mitur të Bejtjes.
Banesat e kontrolluara janë të personave të njohur më herët për policinë si Durim e Valter Bami si dhe Marklen Haka.
Ngjarja e rëndë ndodhi pak pas mesnatës ku ndaj banesës së Bejtjes u qëlluame breshëri automatiku.
Nga plumbat humbi jetën kunati dhe u plagosën dy fëmijët e mitur të Gentian Bejtjes, i cili dyshohet se është shënjestra e atentatit.
Ai u ka shpëtuar më herët dy atentateve të tjera në vitin 2016 e 2022.
Gentian Bejtja është hetuar për vrasjen e Kryekomisarit të policisë Dritan Lamaj pasi dyshohet se bashkë me Enver Stafukën kanë siguruar makinën që u përdor në atentat.
