Kryetari i Partisë së Lirisë Ilir Meta, ka zhvilluar sot një takim ku pjesëmarrës ishte edhe kandidati i “Bashkë Fitojmë” për bashkinë e Lezhës në zgjedhjet lokale të 14 majit.
Teksa mbajti fjalëne tij, Meta tha se edhe në Lezhë mbizotëron modeli i arrogancës, njësoj si në kryeqytet.
Meta tha se me fitoren e koalicionit “Bashkë Fitojmë” do mundësohet instalimi i një modeli afatgjatë përkushtimi dhe llogaridhënie ndaj qytetarëve.
“Modeli i krijuar në Tiranë e qeverisjes qendrore është edhe këtu, modeli i arrogancë, diskriminimeve politike ndaj qytetarëve dhe mungesës së transparencës.
Me fitoren e koalicionit edhe në këshillin e bashkisë së Lezhës do kemi mundësinë të instalojmë një model afatgjatë të përkushtimit dhe llogaridhënies ndaj qytetarëve.
Kandidatët tanë superiorë sepse kanë dalë nga një proces me në qendër vullnetin e anëtarësisë.
Rilindja nuk zgjedh njerëz për vizionin, por shërbëtorë që më pas t’i përdorin për të firmosur, si në rastin e inceneratorëve.
Modeli ynë është i uljes së taksave, jo i rritjes së tyre në mënyrë arbitrare.
Jam i bindur se pas 14 majit do i bëjmë të qartë çdo qytetari të Lezhës resurset e këtij qyteti dhe do marrim mendimin e tyre për veprat në këtë qytet.
Simpatizantët e PL jam i bindur se do të votojnë në mënyrë bindësi kandidatin e “Bashkë Fitojmë”.
Koalicioni ynë është një koalicion afatgjatë, jo vetëm për zgjedhjet e 14 majit, dy shtyllat janë çrrënjosja e monizmit dhe referendumi”, tha Meta.
