Vendet anëtare të BE-së po shkojnë drejt blerjes së përbashkët të gazit duke nisur tenderin e parë muajin e ardhshëm, raportoi Bloomberg të martën.
Masa synon të frenojë rritjet e çmimit të gazit që ndodhi vitin e kaluar, të cilat ndodhën si rezultat i sanksioneve anti-ruse. Blloku pret që kontratat e para me furnizuesit nga SHBA-ja, Lindja e Mesme dhe Afrika të nënshkruhen rreth qershorit, sipas medias.
“Ne duhet të kthejmë valën ekonomike në Evropë,” vuri në dukje nënkryetari i Komisionit Evropian Maros Sefcovic, duke shtuar se ai beson se një sistem i ri ‘do rrisë konkurrencën dhe do sjellë furnizues të rinj dhe do ulë çmimet e energjisë’.
Pas muajsh diskutimesh se si të sigurohet furnizimet me gaz natyror, BE-ja do fillojë blerjet e përbashkëta të gazit në prill, me plane për të kryer blerje të përbashkëta rregullisht në të ardhmen, tha Bloomberg.
Më 15 mars do fillojë regjistrimi në platformën energjetike për kompanitë e interesuara për të blerë gaz dhe, në prill, sipas Sefcovic, blloku planifikon të ‘hapë dritaren e platformës ku kompanitë prezantojnë zyrtarisht sa gaz do duan të blejnë përmes tenderit të parë’.
Sipas tij, rreth 50 furnizues ndërkombëtarë të energjisë kanë shprehur interes për shitjen e gazit në BE përmes një platforme të veçantë. Ndërkohë që blloku i ka magazinat e tij nëntokësore rreth 61% plot, kryesisht për shkak të një dimri të butë, shqetësimi kryesor është sigurimi i inventareve të mjaftueshme të gazit për sezonin e ardhshëm të ngrohjes.
